სამხედრო ექსპერტებს შორის აქტიურად განიხილება სომხეთ-აზერბაიჯანის ომის ერთი ეპიზოდი. სადაც აზერბაიჯანულმა მხარემ იერიში მიიტანა მდინარე აკარზე გადებულ ხიდზე,რომელიც ფაქტიურად ერთმანეთს აკავშირებს მთიან ყარაბაღს და სომხეთს. ცოტა ხნით ადრე გავრცელდა ინფორმაცია იმის შესახებ რომ აზერბაიჯანულმა მხარემ გამოიყენა მაღალი სიზუსტის მქონე შეიარაღება ხიდის გასანადგურებლად.ქსელში გავრცელებული ვიდეოს დეტალურად შესწავლის შემდეგ სპეციალისტებმა წამოაყენეს ვერსია რომ აზერბაიჯანმა გამოიყენა ოპერატიულ-ტაქტიკური სარაკეტო კომპლექსი. საქმე ეხება ახლო მოქმედების ოპერატიულ ტაქტიკურ სარაკეტო კომპლექსს «LORA». ეს კომპლექსი აზერბაიჯანმა თავის დროზე შეიძინა ებრაული კომპანიისაგან IAI.

ისრაელის ოპერატიულ ტაქტიკური სარაკეტო კომპლექსის LORA -ს რაკეტები გათვალისწინებულია მოწინააღმდეგის ინფრასტრუქტურული ობიექტების გასანადგურებლად.ხიდიც ამ კატეგორიას განეკუთვნება, ამასთან აღსანიშნავია რომ ამ ხიდს სომხური მხარისათვის უზარმაზარი დანიშნულება აქვს-ამ ხიდის მეშვეობით ერთმანეთს უკავშირდება სეპარატისტტული ყარაბაღი და სომხეთი.

აზერბაიჯანის მიერ ბალისტიკური რაკეტის გამოყენებამ დასავლელი ექსპერტების დიდი ყურადღება მიიქცია,ერთერთი მათგანის ჯოზეფ ტრევიტიკის განცხადებით-თუკი დადასტურდა რომ ეს იყო სარაკეტო კომპლექსი LORA,მაშინ ეს არის ამ კომპლექსის საბრძოლო გამოყენების პირველი შემთხვევა მსოფლიოში.

ღია წყაროების მონაცემებით აზერბაიჯანს გააჩნია ისრაელის წარმოების ოპერატიულ ტაქტიკური სარაკეტო კომპლექსის დაახლოებით 50 ერთეული რაკეტა.
ექსპერტები ასევე აღნიშნავენ რომ აზერბაიჯანს ასევე გააჩნია სისტემები  «Точка-У»,მაგრამ ებრაული რაკეტის გამოყენება განაპირობა მისმა დიდმა სიზუსტემ. LORA -ს რაკეტის ცდომილება შეადგენს დაახლოებით 10 მეტრს.